Subjektu

• substantiivu libo pronominu nominatiivas. Nominatiivumuvvos olijua substantiivua sanotah totalizekse subjektakse (kogonassubjektakse). Totaline subjektu tarkoittau paginas olijan subjektan kogonastu alua libo sen alan tiettyy ozua: Brihačču lähti ongele. Tytöt opastutah yliopistos. Eräs linnumaiduo eččiy, eräs počinsarvie. Myö ylbeilemmö livvin kielen čomuttu. Kai mustot ollah tallel. Kenbo neče nurmel röhkii?
• Substantiivu libo pronominu partitiivas, konzu pagin on ei tarkas kogonazuon ozas. Partitiivumuvvos olijua substantiivua sanotah partializekse subjektakse (ozasubjektakse). Partialine subjektu tarkoittau paginas olijan subjektan ebämiärästy ozua. Kieldo- da ebäilysvirkehis, kudamis predikuatannu ollah verbit olla nägyö, kuuluo, subjektu tavan mugah on partialine. Lapsii ei nägynyh pihal. Sit talois kodielättii on täyzi tahnut. Tänä vuvven oli ylen vähä kukkastu tuomilois. Eluo hänel on tarbehekse. Mamua ei olluh kois. Lastu ei nägynyh pihah. Ei kuulunuh nimittumua iändy. Heidy vie ei ole školaspäi. Nimidä ei kuulunuh. Mostu löydyy hos kui äijy.
• I infinitiivu: Keittiä kalua on helpo, suaja sidä on vaigei. Korjata da rikkuo ei ole yksi da sama.
• Sanayhtymy: Myö vellenke opastummo yheksändes luokas. Kaksi-kolme tippastu langei, ga vihmua yhtelläh ei roinnuh. Verkoh puutui viizi palua haugie.