Vihmu ikkunas soittau
oma randu on loitton.
Vihmu libuu da libuu,
tullah sygyzyn vilut.
Kodih himoittas piästä,
kuibo sie minuu vastuau
kaikis armahin mieros
oma Karjalan hieru.
Roihgo tulendupäivän
taivas muzavis pilvis
Näingo moitindan suvvon
vastahtulijoin silmis?
Anna mittumaltahto 
suvvol suuditah minuu
En nimittumas hinnas
minä menetä sinuu.
Randu minule armas,
troppu, koivuzet rannas.