Miän tuatot elettih hormin muakunnašša, no iččiedä hyö ei lugiettu hormiksi. Hyö šanuočettih — karieloiksi. Hyö oldih toine nacii (rahvas) ei kuin hormat.
Hormin muakunnašša — toizie naciiloida oli ylen äijä. Hormilla ruadajilla i hressiännöillä ei ollun ni myttynäzie pravoida. Vielä oli pahembi ruadajilla hressiännöillä ket oldih ei hormin nacional'nostie. Näidä nacional'nostiloida kučuttih inorodcoiksi. Inorodcana oldih karielat, ukrainčat, baskirat, jeyreit i muit. Nyt heidä šanotah pienemmiksi nacional'nostiloiksi. Hormiksi — nacmen'šinstvo. Nacmen'šinstvat — iellä ei kuuldu, štobi heidä kučuttais oman rahvahan nimellä. Kaikilla nacional'nostiloilla oldih annettu riäzitändä nimet. Nimitettih karielazie karl'akoiksi, jeyreilöidä žiidoiksi, mariicoida čeremisaksi, nenoida samojedoiksi.