Vuvvennu 2008 kylmykuun 25.—27. päivinny tiedomiehien da yhteiskunnallizien liittoloin edustajien pietyt seminuarat, kudamil šeikuittih karjalan kielen säilyttämisty da kehittämisty Petroskoin da Lihoslavl'an linnois vie kerran tovendettih, ku karjalan kirjukieli da kirjutettu kieli globalizatsien ololois ei vaikuteta Karjalan tazavallan da Tverin karjalazih, net kiinnostetah vai spetsialistoi. Sendäh vikse Karjalan tazavallas karjalazien pienen lugumiärän huomivoh ottajen karjalan kieli nikonzu ei sua valdivokielen stuatussua da nikonzu ei muuta kirjallistu pohjua latinan kirjaimikos kirillitsale.

Sendäh kiännyn teijän puoleh, kunnivoittavu Sergei Leonidovič, da kehoitan andua käsky Opastusministrale da Rahvahallizen poliitiekan ministrale tutkie mahto, kuduan mugah Karjalan tazavallas kirjukielen pohjakse otettas Tverin mual vuozien 1930—1931 aigah luajittu kirjukieli. Tverin Karjalas sil kielel kirjutetah vuvves 1932, silloi karjalan kieldy opastettih alovehen 12 piirin 181 Skolas. Tänäpäi on olemas Tverin Karjalan murdehien pohjale luajittu karjalan kielen sanakirju, kuduah on pandu 17 tuhattu sanua, on painettu kirjua, piäzöy ilmah karjalankieline lehti.

Voibi olla teijän hyvyös Ven'an karjalazet suajah vie yhten kirjukielen, kuduan rikastetah Karjalan murdehet da paginluavut, samal kui ven'an kieldy rikastetah 250 ven'an kielen murdehtu. Meil on valmistettu da ei rua oman ammatin mugah läs 50 karjalan kielen opastajua.

Ku ruvennemmohäi kiistämäh murdehis da paginluadulois vie vuozii, ei jiä karjalazii, kuduat voidas opastuo da opastua karjalan kieldy.

Karjalan tazavallas kirjukielen luajindua Tverin Karjalan murdehien pohjale peräkkäi kannatettih kielentutkijat Dmitrii Bubrih 1930-luvus algajen da omassah surmassah, hänen jälles Pertti Virtaranta.

Kunnivoijen
Tverin alovehen administratsiielimien hallicuksen piämies
Suomelas-ugrilazien rahvahien Konsultatiivizeh Komitiettah kuului