Konferencija piätti, što karjalan kirjakieldä Karjalan autonomizessa socialistizessa neuvostotazavallassa ei pie luadie yhten karjalan kielen murdehen(*) a kogo karjalazen rahvahan paginan pohjalla. Kirjakieleh pidäy ottua sanat da rakendehet, kumbazie käytetäh enimissä murdehissa da heittiä pois moizet piirdehet, kumbazie löydyy vain harvoissa murdehissa. Täh tabah luajittu kirjakieli ei äijäldi eruo kirjakielestä, kumbane on ollut Kalininan alovehen karjalazien käytössä vuuvesta 1931 algajen.
(*) Karjalan kielen murdehie on viizi. Net ollah:
(1) liygi (Suvi-Karjalassa),
(2) lyydi (myös Suvi-Karjalassa, kaijalla lentazella livvin murdehen
alovehelda päivännouzuh).
Toine murrehjoukko on: (3) keskikarjala, (4) pohjoiskarjala, da
(5) kalininankarjala. Tämän joukon murdehissa keskikarjala da
kalininankarjala ollah lähellä toine toista.