Avatarakse olen ottanuh, nikenel lubua kyzymättäh Francisco Goyan (1746-1828) piirroksen "Opastun vie". Ku voinnuzin paista "Paco diädönke", häi varmah andas luvan, duumaičemmohäi samah tabah. Ližiän täh vie toiziigi hänen syngielöi piirroksii. (Painaldamal net suuretah)

Enzimäzen kuvan nimi on "oraskuun kolmas" (vuvvennu 1808). Silloi susiedumuan imperuattoru okkupiiruičči Ispanien. Rahvas nouzi vastah, a imperuattoru tazai. Eihäi imperuattoral nikonzu ole kylläl muadu da rajan tagan on vihaniekku. Toizen kuvan "Pal'l'uboju" nygöine nimi vois olla "Karjalazet toratah murdehis - da upotah peskuh". Kolmanden kuvan "Gigantu" pättävu nimi vois olla "Atmosfieran muutos" – kaikin tietäh, ku se sie on, a "sehäi on toizien dielo". Jälgimäzen kuvan "Akadeemine oslu" kaiken tiedäy a vähä ellendäy.